Pushimet për Etrit Berishën duken drejt fundit. Gardiani i portës është pa një ekip që prej qershorit të këtij viti, teksa nuk mundi të gjente marrëveshjen me Empolin për rinovimin.
35-vjeçari për shkak se është pa një skuadër, humbi edhe grumbullimet e Kombëtarës për sfidat e Nations League. Tashmë duket se veterani është drejt rikthimit në fushë, teksa prej ditësh vazhdin bisedimet me skuadrën e Serie A.
Bëhet fjalë për Salernitanan, me klubin italian që po shikon për një portier pas dëmtimit të Sepe. Nëse konfirmohet një dëmtim i rëndë atëherë Berisha pritet të zyrtarizohet te Salernitana si zëvendësuesi i tij. Fillimisht pritet të mësoshet në ditët në vazhdim shkalla e dëmtimit të Sepe dhe më pas çfarë do të ndodhë me Berishën dhe nëse do të rikthehej në Serie A apo jo.
Kujtojmë se 35-vjeçari ka mjaft eksperiencë në Serie A, teksa në të kaluarën përveç Empolit ka luajtur edhe për ekipe si Atalanta, Lazio, Spal, dhe Torino.
