Dje kryeministri japonez Fumio Kishida derisa po mbante fjalim në fushatë zgjedhore, dikush hodhi një mjet shpërthyes në drejtim të tij, shkruan Gazeta Metro.
Ajo çka bie në sy është reagimi tepër i shpejtë dhe profesional nga sigurimi i kryeministrit.
Sekretari i kabinetit të Kishidas, iu tha mediave, se në lidhje me këtë rast është identifikuar një i ri, dhe po i njëjti është në duart e autoriteteve.
Në këtë sulm mbeti i lënduar një person.
Kujtojmë që verën e vitit të kaluar, mbeti i vrarë ish-kryeministri Shinzo Abe, pikërisht deri sa po mbante një takim elektoral me mbështetësit e tij.
