Juventus arriti të mposhtë Interin dhe të bëjë tre në tre në kampionat duke u ngjitur bashkë me Napolin në krye të renditjes së Serie A me pikë të plota, 9 pikë. Një fitore me përmbysje për djemtë e Igor Tudor, që iu besuan Adzic në minutat e fundit të ndeshjes, i cili arriti të shënojë një gol të jashtëzakonshëm për 4-3 përfundimtar të bardhezinjve. Pikërisht goli i fundit i realizuar nga mesfushori i ri bardhezi ishte objekt diskutimi nga lojtarët e Interit në fushë. Para se të konfirmonte golin, arbitri Colombo priti që në VAR të rishikonin mirë aksionin, por pse?
Në aksionin e golit, në fakt, Khephren Thuram do të kishte prekur këmbën e djathtë të Bonny para se të pasonte te David, i cili më pas dha asistin vendimtar për të djathtën e Adzic. Në të vërtetë, sulmuesi i Interit, ish-lojtar i Parmës, ishte ankuar për një goditje me dorë në fytyrë. Por ajo që ngjalli dyshime në fushë ishte pikërisht prekja e supozuar e Thuram mbi këmbën e Bonny. RefCam-i i arbitrit duket se e nxjerr në pah një kontakt mes dy lojtarëve, por nga VAR-i duket qartë se ishte Thuram që kishte prekur fillimisht topin.
Vasiiii debut Goal from a RefCam ⚽️#SerieA pic.twitter.com/lPCsI22lIw
— Jasmin Bojadžić (@bojadzicj) September 13, 2025
Çfarë pa arbitri Colombo në kontaktin e supozuar mes Thuram dhe Bonny
Sipas Luca Marelli, ish-arbitër dhe sot opinionist në DAZN, në atë rast, në dyluftimin e ulët, Thuram prek topin dhe ka një kontakt këmbë kundër këmbë, por pa rëndësi. Bonny ankohet për një prekje në fytyrë, e cila sipas ish-arbitrit ka qenë vërtet shumë e lehtë, aq sa të vlerësohej e drejtë vendimi për të lënë lojën të vazhdonte dhe për të konfirmuar golin e Adzic. Për dikë, ky kontakt hap një vlerësim të ri të faulleve nga arbitrat: pra të ndëshkohen vetëm ato goditje apo kontakte me të vërtetë të rëndësishme, në mënyrë që të shmangen simulimet e lehta nga kundërshtarët.
Momenti kur arbitri Colombo po fishkëllente faull për Bonny
Në rastin konkret, më shumë se për goditjen me dorë, nga salla e VAR-it janë përqendruar dukshëm më shumë te kontakti i ulët mes këmbëve të dy lojtarëve. Dhe ndoshta edhe kjo e kishte shtyrë arbitrin Colombo fillimisht të bëhej gati të fishkëllente akoma pa gjuajtur Adzic. Nga pamjet live vihet re se drejtuesi i lojës kishte çuar bilbilin në gojë pikërisht në momentin kur mesfushori i Juves po gjuante. Colombo kështu, në dyshim, vendos ta linte lojën të vazhdonte duke menduar më pas t’i besohej VAR-it, i cili megjithatë konfirmoi zgjedhjen e arbitrit në fushë.
