Policia e Tiranës ka arrestuar një person dhe ka shoqëruar 5 të tjerë në lidhje me protestën e mbrëmshme të opozitës. Ndërkohë vijojnë kërkimet për kapjen e 7 personave të tjerë të dyshuar si autorë të hedhjes së molotovë në drejtim të institucioneve dhe policëve.
Protesta nisi te kryeministria dhe vijoi te ministria e Brendshme, ku më pas u zhvendosë drejt bashkisë së Tiranës ku pati përplasje me policinë. Më pas protestuesit marshuan drejt godinës së parlamentit. Kjo ishte protesta e parë pas arrestimit të deputetit të PD-së, Ervin Salianji.
