Kylian Mbappé i kishte premtuar PSG-së se do të rinovonte kontratën. Lajmin e mbështet Footmercato, duke zbuluar disa prapaskena nga sfondi i negociatave mes lojtarit dhe presidentit të klubit. Sipas raportimeve, sulmuesi francez i kishte dhënë fjalën Nasser al-Khelaifi dy herë, duke konfirmuar dëshirën e tij për të zgjatur aventurën e tij në Paris. Një qëndrim i cili, pas prapaktheut në drejtim të Real Madrid, e tërboi numrin një të PSG-së.
Në detaje, gjithçka ka ndodhur në dy data të sakta. Premtimi i parë i Kylian për Nasser al-Khelaifi kishte ardhur një ditë para ndeshjes kundër FC Lorient më 12 gusht 2023. Me atë rast Mbappé e kishte siguruar presidentin për qëllimet e tij për të qëndruar te PSG. E më pas, sulmuesi kishte bërë të njëjtën gjë pas fitores së Superkupës ndaj Toulouse më 3 janar 2024, duke konfirmuar publikisht ekzistencën e një marrëveshjeje me pronarin katariot.
Lexo më tej: “E kam vendosur”. Mbappé i komunikoi lamtumirën drejtuesve të PSG: në Paris me parametër zero
Një marrëveshje që me sa duket nuk ishte e mjaftueshme për të mbajtur kampionin francez. Me kalimin e muajve, në fakt, Mbappé më pas ndryshoi mendje, duke zhvilluar bindjen se donte të transferohej te Real Madrid dhe se duhej të konfrontohej përsëri me Nasser al-Khelaifi për t’i komunikuar zyrtarisht qëllimet e tij për të mos rinovuar. Një ballë për ballë shumë e tensionuar, sipas Footmercato, gjatë së cilës sulmuesi gjithashtu i kërkoi presidentit të mos bënte oferta të reja në përpjekje për ta bërë atë të rikthehej në mendimin për të qendruar nën Kullën Eiffel.
https://twitter.com/Santi_J_FM/status/1781692367461875823?ref_src=twsrc%5Etfw%7Ctwcamp%5Etweetembed%7Ctwterm%5E1781692367461875823%7Ctwgr%5Ebaa9c25cde4a89ec20f1167241fd3491f6b1acaf%7Ctwcon%5Es1_&ref_url=https%3A%2F%2Flapsi.al%2F2024%2F04%2F22%2Fprapaskena-mbappe-i-kishte-premtuar-al-khelaifi-se-do-te-rinovonte-sulmuesi-nuk-mbajti-fjalen%2F
