Një fjalë e vetme për të dërguar një mesazh të fortë për të gjithë ekipin. Paulo Fonseca zgjoi Milanin në ndeshjen më delikate. Suksesi në derbin ndaj Inter, i papritur në prag të ndeshjes, ishte triumfi i trajnerit portugez, i cili taktikisht “paketoi” skuadrën e Simone Inzaghi dhe ndezi sërish zjarrin e Djallit. Dhe ai e bëri atë me një fjalë specifike: kurajë.
Siç raportohet nga La Gazzetta dello Sport, ky ishte shkrimi – i përkthyer në gjuhët respektive – që lojtarët kuqezi gjetën kur hynë në dhomat e zhveshjes para ndeshjes kundër kushërinjve të tyre. Prej aty lindi fitorja e Milan, që theu “mallkimin e derbit” dhe u rikthye të mposhtte zikaltrit pas gjashtë humbjeve radhazi.
FONSECA: “KURAJË” NË TË GJITHA GJUHËT
Duke qenë se Inter luante në shtëpi të dielën në mbrëmje, sipas marrëveshjes mes dy klubeve, kuqezinjtë nuk u ndërruan në dhomën e tyre të zakonshme të zhveshjes (përdorur për ndeshjet në shtëpi), por në atë të ofruar në San Siro për të gjithë ekipet vizitore. Fonseca, megjithatë, bëri një kërkesë të veçantë: ai donte që dhoma të personalizohej në një mënyrë të veçantë. Si? Së pari, duke shënuar vendin e secilit lojtar me numrin e fanellës së tij. Por jo vetëm kaq.
Të gjithë kuqezinjtë e grumbulluar u gjendën përballë fjalës “kurajë” në gjuhën e tyre amtare (italisht, frëngjisht, anglisht, portugalisht, serbisht, holandisht, gjermanisht, në varësi të kombësisë së tyre). Me një mesazh shumë të qartë të nënkuptuar: duhet të dalim në fushë pa frikë. E thënë, e bërë. Milan frenoi Inter dhe mori derbin, pas gjashtë zhgënjimeve radhazi. Fitorja e portugezit Fonseca lindi pikërisht aty, nga “kurajo” e tij dhe e gjithë skuadrës.
Così Fonseca ha acceso il Milan: "coraggio" in tutte le lingue del mondo
L'allenatore portoghese nello spogliatoio ha fatto scrivere in ogni postazione la parola d'ordine in inglese, francese, spagnolo… secondo nazionalità del giocatore.
(Gazzetta) pic.twitter.com/ySS0kc8AHc
— Silvio (@ReadyPlayer2__) September 23, 2024
