Efekti Luis Enrique është ende shumë i gjallë pas “masterclass”-it të trajnerit 55-vjeçar të PSG në finalen e Champions League kundër Inter. Tani janë të shumtë ata që hipin në karrocën e fitimtarit, tani që ai ka shtuar në palmares Tripletën e dytë në karrierën e tij pas asaj të vitit 2015 me Barcelonën, por jo të gjithë mendonin kështu jo më larg se dy vjet më parë (mjafton të përmendet një De Laurentiis i lehtësuar që nuk e mori te Napoli…), kur klubi parisien e solli në stol pas dështimit në Kupën e Botës në Katar me Spanjën. Tani po rizbulohen teoritë e tij të vjetra, si “ligji i informacionit minimal”.
Çfarë është ligji i informacionit minimal sipas Luis Enrique
Trajneri asturian shpjegonte, në një video që është kthyer aktuale në rrjetet sociale, se si puna e madhe e tij dhe e stafit të tij kishte qenë të reduktonin në maksimum sasinë – dhe natyrisht edhe kompleksitetin – e direktivave të dhëna lojtarëve, që ata të mund t’i zbatonin pastaj në fushë: “Ne po përpiqemi të arrijmë në pikën ku t’u japim atyre sa më pak informacion të jetë e mundur – kishte thënë ai kur ishte ende trajner i kombëtares spanjolle – Shpesh trajneri ka prirjen të thotë shumë gjëra për t’u ndier i qetë.”
“Informacioni, ai i nevojshmi, ai i pashmangshmi dhe jetik, lojtari duhet të jetë në gjendje ta transmetojë në fushë. Përndryshe, çfarë kuptimi ka që unë të propozoj pesë ide për pesë aspekte të ndryshme të lojës, nëse më pas ata nuk do të jenë në gjendje t’i interpretojnë?” – kishte vazhduar Luis Enrique, duke cituar më pas një frazë që i atribuohet filozofit dhe matematikanit francez Blaise Pascal – “Ka një thënie të bukur që thotë: ‘Po të kisha pasur kohë, do të të kisha shkruar një letër më të shkurtër’. Kjo është paksa reflektimi që bëjmë me lojtarët. Do të kalojmë muaj të tërë duke menduar për mesazhin që dua t’ju jap, në mënyrë që kur t’jua jap, të jeni në gjendje ta përvetësoni”.
Luis Enrique entendió hace tiempo lo que es un vestuario de fútbol del siglo XXI:
25 párvulos sin pasión real por su profesión, muy preocupados por bobadas (ropa/peinado/coche)
“Información mínima. Vídeos cortos, que no se te vaya a dormir ningún jugador, eso es importante” pic.twitter.com/T86BahY0gG
— Alberto Vostaya (@AlbertoNtillo_) June 1, 2025
Çfarë do të thotë fraza e Pascal e cituar nga trajneri i PSG
Frazën në fjalë nënvizon se të jesh i përmbledhur në shprehjen e fakteve, koncepteve dhe emocioneve shpesh kërkon një përkujdesje – dhe rrjedhimisht një kohë – më të madhe sesa fjalët e shumta që shpesh shkojnë dorë për dore me nxitimin dhe që mund të mos japin efektin e dëshiruar.
“Ne përpiqemi gjithmonë të reduktojmë në minimum informacionin. Video të shkurtra, video ku asnjë lojtar nuk fle. Informacion jetik që lojtari të mund të përballojë ndeshjen me sigurinë për të thënë: ‘E di për çfarë po luaj, e di çfarë duhet të bëj në çdo situatë loje dhe do të përqendrohem të kënaqem’”, kishte përfunduar trajneri i PSG.
