Bayern Munich nuk po kalon sezonin më të mirë dhe gjakrat janë të nxehtë. Debati mes presidentit bavarez Hoeness dhe trajnerit Tuchel është shembulli më i mirë.
DEBATI MES HOENESS E TUCHEL
Bayern Munich nuk e fitoi kampionatin për herë të parë që nga viti 2011-12 dhe atmosfera në Bavari nuk është ajo më e mira. I vetmi objektiv i mbetur për skuadrën e Tuchel është Champions League ku ata do të sfidojnë Real Madrid në gjysmëfinale. Por sido që të ndodhë, fati i trajnerit është vendosur prej kohësh. Në fund të sezonit ai do të thotë lamtumirë, pavarësisht mbledhjes së firmave nga tifozët.
Pavarësisht kësaj, vazhdojnë të forta mosmarrëveshjet brenda shoqërisë. E fundit ishte mes presidentit Hoeness dhe trajnerit. Presidenti i Bayern kishte thënë: “Unë nuk fajësoj Tuchel, shkoj shumë mirë me të. Por ai ka një vizion tjetër. Nuk mendon se mund të përmirësojë një Davies, një Pavlovic, një Musiala”.
Përgjigja e trajnerit, e sjellë nga Fabrizio Romano, ishte: “Është një fjalim kaq larg realitetit, sa nuk do të kisha reaguar nëse nuk do të ishin fjalë të thëna nga Hoeness. Fakti që ato vijnë nga një nga figurat tona më të mira para Real Madrid i jep një shije tjetër çështjes. Më ofendon thellësisht si trajner”.
https://twitter.com/FabrizioRomano/status/1784493000594477346?ref_src=twsrc%5Etfw%7Ctwcamp%5Etweetembed%7Ctwterm%5E1784493000594477346%7Ctwgr%5Ea9cd1789888057f16aeae6199b86e09664bb7481%7Ctwcon%5Es1_&ref_url=https%3A%2F%2Flapsi.al%2F2024%2F04%2F28%2Fplasin-polemikat-te-bayern-debat-i-ashper-mes-tuchel-e-presidentit-hoeness-jam-fyer-rende%2F
