Sekretarja e parë e ambasadës britanike në Tiranë, shoqëruar me një përfaqësi po nga ambasada, ka vizituar sot selinë e Partisë Demokratike ku ka takuar dy zyrtarë të saj.
Konkretisht mësohet se diplomatja britanike është takuar me Ilda Zhulalin, drejtuese e departamentit të marrëdhënieve me jashtë në PD dhe Ilir Alimehmetin, të cilët janë edhe keshilltarët e PD-së në Bashkinë e Tiranës.
Sekretarja e parë e ambasadës britanike është niveli më i lartë i përfaqësimit pas ambasadorit. Prej kohësh në Partinë Demokratike vizitat nga faktori ndërkombetar kanë qenë të pakta, kjo për shkak të shpalljes së Sali Berishës ‘non grata’ nga SHBA dhe Britania e Madhe.
