Pak ditë pasi u lirua nga detyra e Prefektit të Tiranës, Afrim Qendro është emëruar në krye të Inspektoratit Kombëtar të Mbrojtjes së Territorit (IKMT). Ai zëvendëson Dallëndyshe Bicin, e cila u largua nga detyra në fund të janarit.
Thank you for reading this post, don't forget to subscribe!Afrim Qendro ka patur një sërë detyrash të larta publike dhe politike si koordinator elektoral i Partisë Socialiste në qarqet e Tiranës dhe Vlorës, anëtar i Asamblesë Kombëtare dhe në Asamblenë e Tiranës.
Ai fillimisht ka qenë drejtues i Ndërmarrjes Nr.1 në Bashkinë e Tiranës, më tej drejtues i Inspektoratit Ndërtimor të Tiranës, drejtues i Autoritetit Rrugor Shqiptar (ARRSH); nënkryetar i Bashkisë së Vlorës dhe së fundi Prefekt i Qarkut të Tiranës.
Ndërkohë, kujtojmë që Dallëndyshe Bici u largua nga drejtimi i IKMT më 26 janar pas 18 muajsh qëndrimi në këtë post.
