Këtë të premte, vendi ynë do të jetë në ndikim të masave ajrore të paqëndrueshme. Moti do të jetë me alternime vranësirash si dhe kthjellime pas orëve të mesditës. Reshje të herëpasherëshme shiu do të ketë prej orëve të mesnatës përgjatë vijës bregdetare e gradualisht në të gjithë territorin deri në orët e mesditës. Hera-herës do ketë shtrëngata me shkarkesa elektrike dhe breshër. Në orët e pasdites reshjet humbasin intensitet dhe lokalizohen kryesisht në relievet malore.
Era do të fryjë me drejtim juglindje-veriperëndim me shpejtësi mesatare 1-6m/s. Temperaturat parashikohen
15 deri 31°C në zonat malore,
16 deri 32°C në zonat e ulëta dhe
20 deri 34°C në zonat bregdetare.
