Ndërkohë që deputetët e opozitës kanë nisur diskutimet për projekt-buxhetin e vitit 2027, policia e Tiranës njoftoi se ka nisur hetimet 24 protestues dhe ka gjobitur edhe 28 protestues të tjerë në orët e fundit.
Dhuna, gjobat dhe procedimet penale në masë e tkurrën protestën e studentëve që në ditët e para vuri nën presion të fortë qeverinë. Gjatë javëve të protestës qindra të rinj u rrahën nga policia, u burgosën dhe u vunë nën hetime, derisa protesta për momentin është qetësuar. Edhe në parlament tani është kthyer normaliteti. Kur kryeministri Edi Rama foli në kuvend, deputetët e opozitës dolën nga salla dhe në kthim vazhduan seancën me pyetjet ndaj ministrit të financave, Petrit Malaj.