Zyra e OKB-së për Koordinimin e Çështjeve Humanitare (OCHA) njoftoi se 808 kamionë transportuan ushqim, karburant dhe furnizime mjekësore në Gaza. Përpara se armëpushimi të hynte në fuqi të dielën, disa ditë në janar vetëm 13 kamionë hynë në Gaza.
“Partnerët humanitarë po kryejnë vlerësime të shpejta në zonat e reja të aksesueshme për të identifikuar nevojat më urgjente të njerëzve, duke përfshirë ujin, higjienën, kanalizimet dhe kujdesin shëndetësor. Ata gjithashtu po rrisin përpjekjet e mbikëqyrjes së sëmundjeve, “ njofton OCHA.
Gjatë luftës, Izraeli synoi gjithashtu oficerët e sigurisë të lidhur me Hamasin, të cilët ruanin autokolonat e ndihmave. Vitin e kaluar, Gjykata Penale Ndërkombëtare lëshoi urdhra arresti për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime të dyshuara lufte në Gaza, duke përfshirë përdorimin e urisë si metodë lufte.
