Odise Roshi ka gjetur rrugën e rrjetës mbrëmjen e sotme duke shënuar golin e tij të parë me fanellën e Erzurumsporit.
Lojtari fierak zhbllokoi rezultatin e ndeshjes në minutën e 31-të të saj, duke i hapur rrugë fitores së skuadrës së tij.
Erzurumspor arriti të merrte një fitore 3-0 kundër Yeni Malatyaspor në ligën e dytë të futbollit turk.
Odise Roshi u prezantua te Erzurumspor më 18 gusht pasi mbylli aventurën me Sakarjaspor.
Ky do të jetë sezoni i katërt i fierakut në ligën e dytë turke, teksa më parë ka luajtur edhe për Boluspor, ndërsa me skuadrën e tij të re do të kërkojnë ngjitjen në Superligën turke.
