“Nuk keni gjë tjetër për të bërë?”: Leao shpërthen në rrjetet sociale pas lajmit mbi rinovimin me Milan

Rafael Leao e ka humbur durimin pas thashethemeve të fundit për rinovimin e marrëveshjes me Milanin. Portugezi përgjigjet i bezdisur me një postim në Twitter. Pas pauzës ndërkombëtare, Leao është kthyer në Milano, ku vazhdojnë negociatat për rinovimin me Milan. Portugezi duhet të ngrejë gjithashtu edhe nivelin e paraqitjeve të tij me kuqezinjtë, pas një performance të mirë në kombëtare.

Në frontin e rinovimit nuk ka shumë lajme, prej disa muajsh, me një marrëveshje të bllokuar nga kërkesat e larta të Leao. Përveç kësaj, është edhe vullneti i klubit për ta mbyllur sa më shpejt këtë çështje, pavarësisht nëse zgjidhet me nënshkrim apo jo. Kërkesat e lojtarit janë 7 milionë në sezon, plus ndihmë për të paguar gjobën e vendosur ndaj portugezit nga Sporting Lisbona. Megjithatë, klubi ofron një pagë më të ulët, rreth 6.5 në vit, dhe asnjë pjesëmarrje në çështjen ligjore me klubin portugez. Leao ka shënuar 8 gola dhe ka dhënë 7 asiste në kampionat, por kohët e fundit ka humbur shkëlqimin.

 

LEAO SHFRYN DUFIN
Tabloidët kanë vërshuar mbi këto lajme të fundit, veçanërisht ato të vendit luzitan. Por thashethemet e fundit nuk i kanë pëlqyer Leao. Futbollisti i është përgjigjur në rrjetet sociale një artikulli të publikuar nga Leonino, një blog sportiv portugez. Nën një postim në Twitter të gazetës, sulmuesi ka komentuar: “Hahaha nuk keni asgjë tjetër për të bërë? Shumë kohë e lirë”.

 

Romani “Doktoresha” për nga përshkrimi i Shqipërisë në diktaturë përngjan shumë me Afganistanin e Khaled Hosseinin, përmes veprës “Gjuetari i balonave”: Si Afganistani nën sundimin e talebanëve … Mund ta gjeni në te gjitha libraritë Për porosi kontaktoni në numrin: 067 53 32 700
Scroll to Top