Neymar kishte kërkuar falje dhe ndjesë publikisht madje, duke premtuar se do të ndryshonte. Braziliani dëshironte të rriste në mënyrë paqësore vajzën e tij të sapolindur së bashku me partneren. Megjithatë, në mënyrë të pashmangshme, Neymar u rikthye te “vesi” dhe sipas shtypit brazilian ai tradhëtoi sërish të dashurën e tij Bruna Biancardi. Por këtë herë, vajza, pas një tjetër arratisje të brazilianit, ka vendosur t’i japë fund lidhjes së tyre.
TRADHËTIA E RADHËS E NEYMAR, BRUNA E LË
Për momentin Neymar është jashtë fushave me një dëmtim të rëndë që do ta mbajë larg futbollit për pothuajse një vit. Braziliani gjithsesi arrin t’i bëjë njerëzit të flasin për të dhe jo në një mënyrë pozitive. Sipas asaj që u raportua nga reporteri brazilian Thiago Sodré i Correio Brasiliense, sulmuesi në fakt ka bërë sërish tradhti ndaj partneres së tij aktuale Bruna Biancardi. Pasi e ka falur shumë herë, megjithatë, këtë herë vajza ka vendosur t’i japë duart.
Sipas asaj që raportoi gazetari, Neymar ka organizuar një festë në vilën e tij në Mangaratiba, afër Rios. E këtu është takuar një vajzë, me të cilën është veçuar për të koleksionuar, sipas “llogaritjeve” të tabloidit brazilian, tradhtinë numër 92 ndaj partneres. Kjo e fundit, sapo është bërë nënë e vogëlushes Mavie. E megjithatë, Bruna ka vendosur t’i japë fund lidhjes. A do të jetë në gjendje të mbajë fjalën?
