Kryeministri Edi Rama ka bërë ndryshime në Qeveri dhe në Kuvend, të cilat i ka propozuar në mbledhjen e sotme të Kongresit të PS-së.
Rama propozoi emërimin e Elisa Spiropalit për të zëvendësuar Lindita Nikollën në postin e kryetares së Kuvendit, teksa Bledi Çuçin e vendosi në postin e nënkryetarit të Kuvendit.
Vendin e lënë bosh nga Çuçi si kreu i grupit parlamentar do ta zëvendësojë Niko Peleshi, i cili largohet nga posti i ministrit të Brendshëm.
Po ashtu edhe Taulant Balla është larguar nga posti i ministrit të Brendshëm, i cili është emëruar në postin e ministrit të Shtetit për Marrëdhëniet me Parlamentin në vend të Spiropalit.
Gjithashtu, Rama ka larguar edhe Ervin Meten nga posti i ministrit të Financave, duke emëruar në vend të tij Petrit Malajn. Ndërkohë, Ervin Hoxha është emëruar ministër i Brendhsëm, ndërsa Pirro Vengu është emëruar ministër i Mbrojtjes.
Rama: Do jemi 100 vjet në pushtet, nuk na ndalon askush
“Dua ti propozoj grupit parlamentar që në një seancë të menjëhershme që Elisa Spiropali të marrë drejtimin e Parlamentit. Po ashtu, propozoj që Bledi Çuçi të marrë drejtimin e nënkrytarit të Parlamentit dhe Niko Peleshi kreun e grupit parlamntar të PS-së.” – tha Rama
