Një vatër zjarri është aktivizuar pasditen e sotme në zonën e Ujit të Ftohtë në Vlorë, pranë hotel “New York”. Flakët përfshinë një sipërfaqe me pisha, ndërsa në vendngjarje mbërritën dy mjete zjarrfikëse. Pas ndërhyrjes, zjarri u vu nën kontroll dhe u shua.
Sipas të dhënave paraprake, shkak është bërë humusi i nëntokës, i cili vijon të digjet në disa pika dhe era mund të favorizojë riaktivizimin e flakëve. Zjarrfikësit po monitorojnë zonën për të shmangur një vatër të re.
