Raphinha nuk zbriti në fushë për shkak dëmtimi, por në fund të ndeshjes mes Barcelonës dhe Atlético Madrid ishte gjithsesi një nga protagonistët e mbrëmjes. Lojtari brazilian e ndoqi ndeshjen nga pankina dhe, pas vërshëllimës finale, hyri në fushë për të inkurajuar shokët, duke u ndalur edhe për të vëzhguar nga afër festën e tifozëve kundërshtarë.
Pikërisht në atë moment ai u la të lirë në gjeste ironike dhe provokuese, të kapura nga kamerat, duke imituar me duar një të ardhme negative për Atleticon në turin pasues. Një referencë e qartë për eliminimin e mundshëm kundër Arsenal ose Sporting, e shoqëruar me një “Jashtë”, që ndezi edhe më shumë klimën tashmë të tensionuar.
Nuk është hera e parë që Raphinha përdor deklarata të forta dhe eliminimi nga Champions League është një tjetër rast ku ai përdor fjalë shumë të ashpra ndaj kundërshtarëve dhe arbitrave.
Raphinha: “Para mí fue un partido robado” 🗣️#UCLxDAZN pic.twitter.com/t2AqCVWbyh
— DAZN Fútbol (@DAZNFutbol) April 14, 2026
Raphinha: “Është një ndeshje e vjedhur!”
Pak më vonë, në zonën mikse, Raphinha shfryu gjithë frustrimin për arbitrimin, duke përdorur fjalë shumë të forta: “Është një ndeshje e vjedhur. Gabimi është njerëzor, por që të ndodhë sërish në ndeshjen e kthimit? Kemi luajtur shumë mirë, por kjo kualifikim na është vjedhur”.
Anësori i Barcelonës shtoi më tej: “Arbitrimi ishte i tmerrshëm, vendimet e marra janë të pabesueshme. Atlético ka bërë shumë faulle dhe arbitri nuk ka dhënë asnjë karton të verdhë. Dua vërtet të kuptoj frikën e tij që Barça të kalonte në turin tjetër”.
Një shpërthim që rrezikon të ketë pasoja, mes polemikave për arbitrimin dhe tensioneve gjithnjë e më të forta në një përballje që vazhdon të bëjë diskutim edhe pas vërshëllimës së fundit.
“Pa fuera” 🗣️🔜
La imagen de Raphinha tras el partido en el Metropolitano 🇧🇷#UCLxDAZN pic.twitter.com/6SwSwDIPtR
— DAZN Fútbol (@DAZNFutbol) April 14, 2026
