Djali i porsalindur i reperit të njohur Marin, ka ndërruar jetë, shkruan Gazeta Metro.
Kështu ka njoftuar vetë këngëari i cili përmes një postimi në Instagram, ka bërë të ditur se djali i tij ka ndërruar jetë të mërkurën në mëngjes.
“Disa njerëz vetëm ëndërrojnë engjëj, por ne patëm nderin të mbanim një në krahët tanë,” shkruan ai, duke shprehur tronditjen dhe pikëllimin e madh që po përjetojnë”, ka shkruar ai ndër të tjera.
Reperi thekson se këto ditë kanë qenë tepër të vështira për të dhe partneren e tij Alba, por megjithatë po përpiqen të gjejnë forcë duke u mbështetur tek dashuria e ndërsjellë dhe tek përkrahja e miqve e familjarëve.
Tutje ai falënderoi të gjithë ata që u janë gjendur pranë në këtë periudhë të vështirë të tyre.
