Prej ditësh mediat turke u mbushën me lajme se Burak Özçivit dhe Fahriye Evcen po kalojnë krizë dhe se martesa e tyre po shkon drejt fundit.
Thashethemet bënë xhiron e portaleve, duke hapur diskutime të pafundme në rrjet dhe duke i bërë fansat të pyesin se çfarë po ndodh me çiftin më të komentuar të showbizit turk.
Por aktori i serialit “Kara Sevda” nuk mundi të heshtë më. Përballë gazetarëve ai u shfaq i nervozuar dhe i prerë në fjalë:
“Janë vetëm gënjeshtra dhe mashtrime. Jemi lodhur tashmë nga këto lajme të pabaza.”
Dyshja, që prej vitesh janë ndër çiftet më të ndjekura të kinemasë turke, vijojnë jetën e tyre së bashku, pavarësisht spekulimeve që shpërthejnë herë pas here në media.
