Debutim fitues për David Raya, portierin që debutoi për Spanjën në ndeshjen kundër Shqipërisë, të fituar 1-0. Portieri i Arsenal shpjegoi emocionet e tij për faqen zyrtare UEFA.com: “Kjo ndeshje ishte një paraqitje e jashtëzakonshme nga të gjithë lojtarët e përfshirë. Ne e dinim absolutisht që Shqipëria nuk ishte një kundërshtar i lehtë. Ata po luanin për të mbijetuar në Euro 2024. Ne e dominuam ndeshjen; është një shije e ëmbël dhe ne jemi shumë të lumtur që fituam një tjetër ndeshje”.
Portieri i dytë i iberikëve ishte protagonisti absolut i ndeshjes me të paktën tre ndërhyrje vendimtare ndaj Brojës e Allsanit. Raya tregon ndjesitë e fitores kundër kuqezinjve: “Kur shënuam, i lënduam pak, por e dinim 100% se do të na sulmonin edhe më fort. Ndeshja u thye pak aty dhe Shqipëria bëri disa raste. Jam i emocionuar që kam luajtur, por mbi të gjitha ndihmova ekipin të fitojë tre pikë të tjera”.
An impressive display from Raya #EURO2024 | #ALBESP pic.twitter.com/92cRL784Oh
— UEFA EURO 2024 (@EURO2024) June 24, 2024
