Ndahet nga jeta aktori, regjisori dhe dramaturgu i mirënjohur, Naun Shundi.
Së fundmi aktori 66 vjeçar po luftonte me sëmundjen e rëndë dhe ishte dërguar për trajtim të specializuar në një spital në Francë, por kostot e larta financiare detyruan familjarët që ta kthenin dhe pak ditë më parë të kërkonin ndihmë për kurimin e tij.
Së fundmi ai po kurohej në Qendrën Spitalore Universitare “Nënë Tereza”.
Projekti i radhës i artistit ishte vënia në skenën e veprës ‘Il commissario daltonico a teatro’ (Komisari daltonik) por nuk mundi ta realizonte. Shfaqja e cila ndërthurte humorin, misterin dhe absurdin ishte projekti i fundit që Shundi si regjisor kishte në dorë para se gjëndja e tij shëndetësore të rëndohej shumë sa sot u njoftua dhe ndarja e tij nga jeta.
Në karrierën e tij, Naun Shundi ishte regjisor, dramaturg dhe aktor i më shumë se 100 roleve në teatër dhe 20 në film.
