Përfaqësuesit e shteteve të QUINT-it po zhvillojnë një takim mëngjesin e sotëm me kryeministrin Albin Kurti. Ky takim vjen një ditë pas përvjetorit të çlirimit të Kosovës, ku gjatë organizimit shtetëror që u zhvillua, u vu re mungesa e ambasadorëve të vendeve të QUINT-it. Në fokus të bisedimeve do të jenë zhvillimet aktuale në veri të Kosovës.
Franca, Italia, Gjermania, Mbretëria e Bashkuar dhe Shtetet e Bashkuara të Amerikës, kanë reaguar disa herë mbi tensionet në veri të Kosovës me zgjedhjen e kryetarëve të ri të komunave, ku kanë bërë thirrje që të mos ketë veprime të cilat mund të rrisin tensionet në veri.
