Motra e Celine Dion, Claudette Dion, po ndan një përditësim tronditës për betejën e saj me sindromën e personit të ngurtë.
Claudette tha kohët e fundit për Canada’s 7 Jours se Celine, ka “humbur kontrollin e muskujve të saj”, sipas Daily Mail, pasi gjendja është përkeqësuar me kalimin e kohës.
“Ajo që më thyen zemrën është se ajo ka qenë gjithmonë e disiplinuar”, tha artistja për gazetën. “Ajo gjithmonë ka punuar shumë. Nëna jonë i thoshte gjithmonë: ‘Do t’ia dalësh mirë.”
Claudette shtoi se Celine ka dëshirë të performojë përsëri, pavarësisht situatës së tmerrshme.
“Është e vërtetë që si në ëndrrat tona ashtu edhe në ëndrrat e saj, qëllimi është kthimi në skenë,” tha ajo.”
Në dhjetor 2022, Celine njoftoi se do t’i duhej të anulonte pjesën e mbetur të turneut të saj botëror për shkak të çrregullimit neurologjik progresiv dhe të pashërueshëm që sulmon muskujt – duke përfshirë kordat vokale dhe zemrën.
Intervista e Claudette vjen dy muaj pasi Dion – e cila për herë të fundit doli në skenë në mars 2020 – bëri një paraqitje të rrallë publike gjatë një loje NHL në T-Mobile Arena në Las Vegas më 30 tetor.
