Derbi i Italisë nuk ka nevojë për prezantime për të kuptuar rëndësinë e megjithë diferencën e madhe aktuale në renditje, rivalitetin e ndez… vendi i dytë. Tekniku i Juventus Max Allegri dhe ai i Inter Simone Inzaghi kanë shkëmbyer replika në distancë, në konferencat për shtyp. Ai bardhezi e llogarit të fshirë penalitetin prej 15 pikësh në renditje, ndërsa ai zikaltër sheh renditjen aktuale.
Thank you for reading this post, don't forget to subscribe!Pas kualifikimit në çerekfinale të Europa League, Juventus rinis vrapin në kampionat, me ndeshja e madhe ndaj Inter. E Massimiliano Allegri e mban përqendrimin lart duke vazhduar të vlerësojë klasifikimin pa skualifikimin. “Do të jetë një ndeshje e rëndësishme kundër Interit – shpjegoi trajneri i Juventusit -. Pa -15 kemi bërë 53 pikë, jemi përpara zikaltërve dhe duhet të mbrojmë vendin e dytë”. Tekniku pastaj i dha siguri tifozëve se në fushë do të mund të shohin yjet e skuadrës: “Di Maria dhe Chiesa po bëjnë mirë, Miretti dhe Bonucci do të vlerësohen – shtoi ai –. Alex Sandro dhe Milik nuk do të jenë në dispozicion”.
Interi është gati të përballet me Juventusin në Derbin e Italisë. Pas barazimit në Champions ndaj Portos, zikaltrit arritën çerekfinalet, ku do të takohen me Benfica. Të besuarit e Simone Inzaghi ndërkohë janë kthyer me përqendrim maksimal në ndeshjen ndaj Zonjës së Vjetër. “Përgatitja mendore do të jetë thelbësore. Ne e dimë se cfarë ekipi është Juve – tha trajneri në konferencë -. Ne apo ata të dytët? Unë shikoj renditjen e sotme, pastaj vendimi do të jetë në organet përgjegjëse. Skuadrat që po luftojnë kanë nevojë për qartësi. Ndërkohë, respekt maksimal. Skriniar jashtë, jam shumë i kënaqur me Lukakun” e mbylli Inzaghi.
