Sfida mes Arsenal dhe Manchester City mund të përmblidhet në dy momente, prej të cilëve një jashtë fushe: barazimi i arritur në çastet e fundit dhe goli i parashikuar nga e dashura e një lojtari. Pas 80 minutash ngërç me rezultatin 1-0 për miqtë, një zëvendësim ndryshoi gjithçka. Ai që u largua ishte Jurrien Timber, në vendin e tij hyri Gabriel Martinelli. I mjaftuan vetëm 12 minuta brazilianit për të lënë gjurmë, një parabolë që i dhuroi barazimin Gunners. Një gol që pothuajse askush nuk do ta kishte pritur, shumë pak përveç një personi: Isabella Rousso, e dashura e Martinelli. Ishte ajo që e zbuloi parashikimin duke treguar sesi mesazhi i saj në WhatsApp u shndërrua në realitet.
Një tjetër paraqitje prej lojtari të madh për Donnarumma, i cili duhej të dorëzohej vetëm përballë parabolës elegante nga Martinelli. Ndoshta meritë e fatit, ose ndoshta një rastësi e thjeshtë, por ishte pikërisht braziliani që e kaloi mbi portierin italian. Gjithçka në përputhje të përkryer me “do të shënosh, do ta shohësh” thënë nga e dashura e tij një ditë para ndeshjes. Arsenal dhe Manchester City ndanë nga një pikë secili, vazhdon ndjekja e Gunners ndaj Liverpool për kryesimin e Premier League.
Parashikimi i të dashurës së brazilianit Martinelli
Nga mesazh inkurajues në realitet: pasi kishte mësuar se ishte vendosur në stol, Martinelli kishte kërkuar ngushëllim tek gjysma e tij e ëmbël. Një kërkesë e pranuar menjëherë nga Rousso, e cila pa asnjë tërthore parashikoi atë që më pas u bë realitet. Ta zbulonte ishte pikërisht ajo në Instagram, një histori me festimin e brazilianit dhe screenshot-in e bisedës së tyre. “Shko, përballu me lojtarët e lodhur në pjesën e dytë dhe shëno, do ta shohësh”, i kishte shkruar. Në rrjete sociale tifozët u çmendën duke e lavdëruar paraqitjen e lojtarit, i cili e mori me vete çmimin si Man of The Match, një tjetër provë e madhe pas sfidës në Champions kundër Athletic Bilbaos. Edhe në atë rast Martinelli ishte shpallur më i miri në fushë me një gol dhe një asist.
Martinelli told his girlfriend yesterday that he wouldn’t start today and she replied “you will play against tired legs in the second half and score a goal, you will see” pic.twitter.com/7CxUCuG8zJ
— Renato (@orehnato) September 21, 2025
Martinelli, goli që mbajti gjallë Arsenal
Festimi në rrjete sociale nuk vonoi dhe Rousso, me krenari, kërkoi pjesën e saj të vogël të meritës në golin e sulmuesit. Një pjesë e meritës i shkon, megjithatë, edhe teknikut Arteta: ndërrimet përmbysën ndeshjen. Martinelli mori topin nga Eze, një tjetër lojtar i futur gjatë lojës. Një top që kaloi mbi mbrojtjen gjeti në mënyrë të përkryer sulmuesin, i cili, ballë për ballë me portierin Donnarumma, e mashtroi italianin me një parabolë të saktë.
Një pikë themelore për të kuqtë që, pas zhgënjimit të një viti më parë, janë nisur më të fortë se kurrë në garën për titull. Pikërisht si në sezonin e kaluar është Liverpool që dëshiron t’u prishë festën Gunners. Një seri paraqitjesh për t’u pasur zili nga djemtë e Arne Slot, të cilët po kryesojnë Premier League me 15 pikë, të arritura në pesë ndeshje. Një seri rezultatesh me vetëm fitore për Reds.
