Bilanci i Inter për këtë sezon është pozitiv, sipas Beppe Marotta. Duke folur për Sportmediaset, me rastin e gjysmëfinales së kthimit të Kupës së Italisë kundër Juventus, administratori i deleguar tha se ishte i kënaqur me arritjet. Ish-drejtori bardhezi shprehu besimin për skuadrën dhe aftësitë e Simone Inzaghi, të cilit i rinovoi besimin: “Nuk jemi në shkollë, ka besim tek ai dhe është total dhe i plotë. Ka mungesë vazhdimësie, që është një nga aspektet negative, por duhet të vlerësojmë sezonin në plotësinë e tij. Kemi kohë të rikuperojmë, por duke vlerësuar ecurinë tonë, edhe puna e teknikut Inzaghi është pozitive”.
Drejtori ekzekutiv zikaltër më pas nënvizoi: “Është një sezon që po e shijojmë në maksimum. Ne jemi në garë për dy trofe, se titulli është i Napolit. Kemi një kampionat të vogël megjithatë, për të arritur të paktën një vend të katërt. Do të ishte një objektiv i rëndësishëm për shoqërinë dhe prestigjin. Përmbledhja e këtij sezoni është pozitive”.
Lexo më tej:Zuliani ironizon Inter e FIGC: “E vetmja mungesë do jetë viktima e sherrit të provokuar nga Lukaku”
Për faljen e dhënë ndaj Romelu Lukaku, Marotta më pas komentoi: “Gravina ka marrë një vendim të mençur duke rikthyer gjithçka në drejtësinë sportive. Ka një rregullore të pashkruar, të cilës të gjithë duhet t’i binden”.
