Nga gëzimi i golit të rigjetur, por të anulluar, e deri te shqetësimi për dëmtimin e ri. Sezoni i Paul Pogba nuk ka nisur në mënyrën më të mirë. Goli në Empoli u anulua për shkak të një pozicioni jashtë loje të Vlahovic. Francezi ndjeu një tërheqje në pjesën e pasme të kofshës duke rrezikuar të bjerë përsëri në një vorbull, që, mes një dëmtimi dhe tjetrit, e ka bllokuar prej disa sezonesh tashmë. Pogba do t’i nënshtrohet testeve instrumentale për të kuptuar situatën. Por nuk ka ndërmend të dorëzohet në rrjetet sociale: “Deri në fund”.
Nëse është e vërtetë që sezonet në futboll shpesh mund të përmbysen pas një episodi të vetëm, ajo që ndodhi me Pogba rrezikon të mos jetë një ogur i mirë në atë që duhet të ishte sezoni i rinisjes së tij. Francezi vitin e kaluar, e kaloi kampionatin tërësisht në infermieri. Hyrja në fushë në pjesën e dytë në Empoli ishte e mire. E ai gol i gjetur me të djathtën nga jashtë zonës kishte të gjitha konotacionet për të qenë pika e kthesës që të gjithë, Pogba i pari, që Allegri dhe tifozët prisnin.
E ndërkohë, përveç befasisë, ka ardhur edhe dëmi. Jo vetëm që goli u anulua, për fajin jo të mesfushorit francez, por në fund të ndeshjes problemi muskulor riktheu retë e zeza mbi kokën e Pogba. Kohët do të përcaktohen nga testet instrumentale. Megjithatë Pogba ka dashur të motivojë tifozët duke komentuar në Instagram: “Deri në fund”.
https://www.instagram.com/p/CwvvqBZqKSx/?utm_source=ig_embed&ig_rid=20053807-d979-4c90-a38c-3ffe98c872a3
