Siç dihet, e ardhmja e Kylian Mbappé është gjithnjë e më e largët nga Parisi. Francezi i lindur në ’98 duket i destinuar të kalojë te Real Madrid. Aktualisht, megjithatë, ish-lojtari i Monacos është i fokusuar në të tashmen dhe në angazhimet e radhës të PSG-së, mbi të gjitha në dy ndeshjet kundër Barcelonës në çerekfinale të Champions League. Në këtë drejtim, në dritën e precedentëve të fundit që kanë parë Mbappé të zëvendësohet gjatë ndeshjes në zhvillim, Luis Enrique donte të bënte një provokim gjatë transmetimit të drejtpërdrejtë në kanalin e tij Twitch.
LUIS ENRIQUE: “MUND TA MBAJ MBAPPE NË PANKINË”
“Ndoshta mund ta vendos Mbappé në pankinë kundër Barcelonës”, ka komentuar me ironi trajneri i PSG-së. “Dhuro 4 milionë euro për fondacionin Xana dhe ndoshta mund ta mbaj në stol. Më dërgo faturën”.
PSG po përgatitet për ndeshjen e parë çerekfinale të Champions, ku do të përballet me blaugranat në shtëpi më 10 prill. Do të jetë një kthesë shumë e rëndësishme për të gjithë sezonin, veçanërisht për Mbappè, i cili do të dëshironte t’i jepte fund aventurës së tij në Francë duke ngritur në qiell trofeun më prestigjioz nga të gjithë. Ylli parizian është në prag të transferimit te Real Madrid dhe para se të largohej nga ekipi ai do të donte të fitonte diçka të madhe.
https://twitter.com/centregoals/status/1772636642261524708?ref_src=twsrc%5Etfw%7Ctwcamp%5Etweetembed%7Ctwterm%5E1772636642261524708%7Ctwgr%5E960e117e53fd9da243480b19977591a6d01d3538%7Ctwcon%5Es1_&ref_url=https%3A%2F%2Flapsi.al%2F2024%2F03%2F26%2Fluis-enrique-e-mbaj-mbappe-ne-pankine-kunder-barcelones-por-me-paguaj-me-dergo-faturen%2F
