Sulmet ruse në Mezhivskyi dhe Nikopol në rajonin Dnipropetrovsk të Ukrainës lanë një të vdekur dhe shtatë të plagosur. Kështu njoftoi mbrëmë guvernatori i rajonit Serhii Lysak.
Sulmi që synoi komunitetin e Mezhivskyi në rrethin Synelnykivskyi vrau një person, plagosi gjashtë dhe shkaktoi shkatërrime serioze në infrastrukturën civile: shpërthyen tre zjarre dhe u dëmtuan afro 50 shtëpi private, si dhe ferma, një institucion arsimor dhe disa makina.
Forcat ruse bombarduan gjithashtu Nikopolin dhe komunitetin e Marhanets me artileri të rëndë. Një 63-vjeçar është shtruar në spital me plagë nga shpërthimi i minës tokësore dhe copëza e saj. Sulmi dëmtoi një kafene lokale dhe 14 ndërtesa banimi.
