Nëntë mbrojtës, pesë mesfushorë e nëntë sulmues, bashkë me tre portierët kompletojnë listën e 26 të përzgjedhurve të teknikut Sylvinho për dy miqësoret kundër Kilit dhe Suedisë. Pak mesfushorë nëse shihen numrat, por në fakt nuk është kështu. Braziliani preferon të luajë me modulin 4-2-3-1, ku në treshen pas shpinës së qendërsulmuesit aktivizon lojtarë që janë të përfshirë në grupin e sulmuesve.
Kështu, me Manajn, Cikalleshin e Brojën që luajnë për një vend në qendër të sulmit, në të majtë janë Seferi, Muçolli e debutuesi Hoxha që janë të gatshëm të zbresin në fushë. Asani e Uzuni, mund të operojnë në të djathtë, ndërsa Muçi mund të luajë pas shpinës së sulmuesit, ashtu dhe në të dy krahët. Nëse sheh numrin e lojtarëve që luajnë majtas kupton dyndjen me 5 zgjedhje. E pakuptueshme me një të rolit si Asani që luan djathtas.
Lexo më tej: Video/ Uzuni fut në ankth teknikun Sylvinho: beratasi stërvitet i diferencuar, Laçi e Aliji me grupin
Në këtë pikë nga pesë të përzgjedhurit e mesfushës, Bajrami do të luajë si 10-sh, me katër të tjerët që janë në dispiozicion vetëm për dy rolet përpara mbrojtjes, edhe pse Asllani e Laçi mund të luajnë edhe të spostuar më parë, në varësi të zgjedhjeve që do të bëjë Sylvinho. Në këtë mënyrë, tekniku Brazilian është i mbrojtur për të bërë zgjedhjet e zakonshme, pa u limituar për numrin e lojtarët të mesit të fushës. Për mbrojtjen pastaj dhe portën, janë dublimet e zakonshme, me të paktën dy lojtarë për rol. Kështu, kundër Kilit dhe Suedisë Sylvinho mund të marrë përgjigjen nga lojtarët që dëshiron, sidomos nëmajën e sulmit, ku vëmendja është e gjitha të Manaj e Broja.
https://twitter.com/FSHForg/status/1770156167769055415?ref_src=twsrc%5Etfw%7Ctwcamp%5Etweetembed%7Ctwterm%5E1770156167769055415%7Ctwgr%5Ea60c956cb65330ccff2827e9e53c8ef48817de83%7Ctwcon%5Es1_&ref_url=https%3A%2F%2Flapsi.al%2F2024%2F03%2F20%2Flojtaret-te-zgjedhur-sipas-skemes-dyndje-ne-te-majte-ja-perse-sylvinho-ka-thirrur-pak-mesfushore%2F
