Pas muajve të vështirë, ndarjes fillestare dhe thashethemeve mbi historitë e supozuara të dashurisë, qetësia duket se është kthyer për Mauro Icardi dhe Wanda Nara. Marrëdhënia është konsoliduar, si e dëshmon edhe foto e fundit e çiftit, e publikuar nga lojtari në Instagram. Në këtë kuptim, megjithatë, nuk vonoi reagimi i tifozëve të Galatasaray.

I ardhur te Galatasaray verën e kaluar, pas tre sezoneve zhgënjyese te PSG, Mauro Icardi ka fituar gradualisht dashurinë e tifozëve. 15 paraqitje dhe nëntë gola, ky është bilanci i argjentinasit në Turqi deri tani. Mbështetësit e klubit të Stambollit, megjithatë, e shohin gruan e tij Wanda Nara si një faktor të mundshëm shpërqendrues. E dëshmojnë më së miri komentet në postimin social të argjentinasit.

Lexo më tej: Fjalë të rënda, akuza e ironi therëse mes Icardi e një gazetari: motivi, natyrisht Wanda Nara

Ditën e djeshme, në Instagram, Mauro Icardi publikoi një foto që e portretizon atë në shoqërinë e Wanda. Menjëherë, shpërtheu reagimi i tifozëve: “Lëre të qetë, duhet të përqendrohet në fushë dhe të mendojë për të shënuar”. Pastaj sërish “Lëre rehat këtë njeri edhe për pak, pastaj bëj çfarë të duash”.