Përfundon pa gola ndeshja e madhe e javës së shtatë të Serie A. Në stadiumin Geëiss përfundon në fakt 0-0 mes Atalantës dhe Juventus. Ndeshje intensive, por me pak mundësi. Më e rëndësishmja ishte traversa nga goditja e dënimit të Muriel, me Szczesny të aftë në devijimin e trajektores në krahun e djathtë. Pastaj, Koopmeiners gaboi një hap nga porta, me bardhezinjtë që rezistuan deri në fund. Me këtë barazim, Allegri ngjitet në 14 pikë dhe bashkohet me Napolin. Bardhezinjtë sidoqoftë e shohin veten -4 pas Inter dhe Milan. Atalanta, nga ana tjetër, arrin në 13.
Përfundoi pa gola mes Atalantës dhe Juventus, rezultat që i lë bardhezinjtë -4 pas dyshes kryesuese të kampionatit. Allegri është në të njëjtin nivel me Napolin me 14 pikë dhe mbajti prapa bergamaskët. Pjesa e parë foli më shumë për bardhezinjtë, por me vështirësi të dukshme në finalizim. Mungesa e Vlahovic dhe Milik sigurisht që do të ndihej në formacionin e teknikut Allegri. Juventus ishte në vështirësi në pjesën e dytë, me Atalantën që erdhi duke u përmirësuar. Megjithatë, zikaltrit nuk arritën të jepnin goditjen e nokautit. Traversa e Muriel, me devijimin vendimtar të Szczesny, ishte mundësia ideale për vendasit. Pastaj Koopmeiners humbi një nga mundësitë e paimagjinueshme, por në fund u mbyll vetëm 0-0.
