Guardiola e kishte identifikuar atë si pasardhësin e tij të mundshëm te Manchester City, ditën kur ai vendosi të largohej nga klubi. Në vend të kësaj, Vincent Kompany, ish-ylli i Citizens, tani për tani do të ndjekë gjurmët e mentorit të tij te Bayern Munich, i udhëhequr për tre vjet nga Pep. Bavarezët kanë arritur marrëveshje me Burnley, skuadrën e Premier League që drejtohet nga belgu. Klubi pranoi një shumë prej rreth 11 milionë eurosh për ta liruar teknikun. Pritet një kontratë trevjeçare, deri në vitin 2027 dhe siç thonë në këto raste, mungon vetëm firma.
Kompany, pavarësisht rënies së tij në Championship, bëri përshtypje me idetë e tij të futbollit, të cilat e shtynë Bayern, për të thënë të vërtetën pas refuzimeve të shumta, të fokusohej tek ai. Trajneri belg synon të sjellë me vete stafin e tij. E këtu përfshihen asistenti Craig Bellamy dhe bashkëpunëtorët e tjerë Piet Cremers, Mike Jackson dhe Floribert N’Galula.
Karriera e tij si trajner praktikisht sapo ka filluar. Në vitin 2020, pasi u tërhoq nga futbolli i luajtur, Kompany drejtoi Anderlechtin deri në vitin 2022. Më pas ngjiti Burnley në Premier League në vitin 2023. Tani kapërcimi i madh në futbollin e nivelit të lartë.
