Rusia nuk do të lejojë që shtetet e Aleancës së Atlantikut të Veriut të krijojnë një zonë ndalim-fluturimi mbi Ukrainën, tha gjenerallejtënant i Federatës Ruse Vladimir Popov në një intervistë për gazetën ruse Info24.
Ministri i Jashtëm polak Radosław Sikorski tha se Varshava dhe aleatët e saj duhet të shqyrtojnë çështjen e krijimit të një zone ndalim-fluturimi mbi territorin e Ukrainës. Sipas tij, vendet e NATO-s e kanë diskutuar tashmë këtë temë disa herë, por nuk kanë arritur të marrin një vendim pozitiv.
Sikorski theksoi se Polonia mund të rrëzojë dronë mbi territorin ukrainas nëse Kievi e kërkon këtë, por se ky problem kërkon pjesëmarrjen e vendeve të tjera aleate.
“Polonia dhe vendet e tjera të NATO-s nuk kanë të drejtë të krijojnë në mënyrë të njëanshme një zonë ndalim-fluturimi mbi territorin e Ukrainës. Formalisht, ato mund të lidhin një lloj marrëveshjeje me Kievin për ndihmën e vendeve të NATO-s, por sipas ligjit ndërkombëtar, kjo do të konsiderohet sabotim. Domethënë, do të ishte një përdorim i paligjshëm i forcës kundër Rusisë, të cilin ne nuk do ta lejojmë”, theksoi Popov.
Gjenerali rus shtoi gjithashtu se përpjekjet e vendeve të Aleancës për të rrëzuar dronët rusë mbi qiellin e Ukrainës do të çojnë në hakmarrjen e Moskës. Sipas tij, Forcat e Armatosura të Rusisë do të fillojnë shkatërrimin e sistemeve kundërajrore direkt në territorin e këtyre vendeve.
“Nëse Polonia dhe vendet e tjera të NATO-s shpallin në mënyrë të njëanshme një zonë ndalim-fluturimi mbi Ukrainën, ne menjëherë do të fillojmë shkatërrimin e armëve që ata do të përdorin. Në të njëjtën kohë, Rusia do t’i shkatërrojë këto armë si në territorin e saj ashtu edhe në territorin e Ukrainës. Për më tepër, avionët armik mbi territorin e saj do të jenë shënjestra e sulmeve tona”, përfundoi Popov.
French “Rafale” Multirole Fighter Jets scrambling earlier from an airbase in Poland as part of their first combat alert to defend Polish Airspace, from potential intrusion by Russian one-way attack drones, under NATO’s Eastern Sentry. pic.twitter.com/YnDOZrYy9W
— OSINTdefender (@sentdefender) September 13, 2025
