Kemal Kilicdaroglu u shfaq gjatë tubimit përmbyllës ditën e djeshme me një jelek antiplumb, pasi kishte informacione se ai mund të ishte objektiv i një sulmi. Në pamjet e transmetuara, truprojat e Kilicdaroglu mbajnë pushkë automatike dhe janë me të në podium nga ku ai mbajti fjalimin e tij, i fundit për fushatën e tij zgjedhore.
Një burim i afërt me Partinë Republikane Popullore (CHP) tha se lideri 74-vjeçar i opozitës kishte veshur jelek antiplumb dhe siguria e tij ishte rritur pasi kishte raportime se ai mund të ishte në shënjestër. Kilicdaroglu, i cili kryeson me një diferencë të ngushtë në sondazhe, e mbajti këtë fjalim në Samsouda në Detin e Zi. Në një intervistë që dha sot për agjencinë Reuters, ai tha se ishte optimist për fitoren e tij në zgjedhjet e së dielës.
