Një marrëveshje për armëpushimin dhe lirimin e pengjeve është shumë pranë të ndodhë, pasi një draft përfundimtar u është dorëzuar Izraelit dhe Hamasit nga ndërmjetësi Katari, për t’i dhënë fund luftës në Gaza.
Kështu ka njoftuar një zyrtar i informuar mbi negociatat për Reuters, ku një përparim u arrit në Doha pas mesnate gjatë bisedimeve midis ekipit negociator të Izraelit, të dërguarit të presidentit të zgjedhur të SHBA-së, Donald Trump për Lindjen e Mesme dhe kryeministrit të Katarit.
Lufta në Gaza vazhdon të jetë shqetësuese në Lindjen e Mesme, e cila u shkaktua nga sulmi shkatërrues i terroristëve të udhëhequr nga Hamas mbi Izraelin më 7 Tetor të vitit 2023.
Në anën tjetër, rikthimi i Donald Trump si president i zgjedhur i Shteteve të Bashkuara, pas fitores së tij në zgjedhjet e Nëntorit të 2024 përballë Kamala Harris, shihet si një mundësi e mirë për zgjidhjen e konflikteve mes dy vendeve./tvklan
