44 gola në 44 ndeshje mes Bundesligës, Champions League, Kupës së Gjermanisë dhe Superkupës së Gjermanisë. Ky, aktualisht, është bilanci i sezonit të parë të Harry Kane me fanellën e Bayern Munich. Një rezultat që sulmuesi anglez do të përpiqet ta përmirësojë më tej në ndeshjet e fundit të kalendarit: mbi të gjitha ndeshja e sotme kundër Real Madrid, për gjysmëfinalen e kthimit të Champions League. Performancë shumë e lartë për ish-lojtarin e Tottenham, i cili në përditshmërinë e tij ka një zakon të veçantë: të pijë disa kapuçino çdo ditë, siç u raportua në konferencë nga Thomas Tuchel.
KANE E PASIONI PËR KAPUÇINON
“Çfarë më befasoi tek Kane? Sasia e kapuçinove që ai pi çdo ditë – komentoi Tuchel – është qesharake. Sa herë që shkoj në kuzhinë, ai është para aparatit të kafesë duke pirë një kapuçino. Me sa duket është një zakon që i bën mirë, ndaj fillova ta bëj edhe unë”.
“ASGJË NUK ËSHTË E PAMUNDUR”
“Do të nevojiten fat dhe saktësi – vazhdoi trajneri i Bayern Munich në kuadër të ndeshjes së kthimit kundër Los Blancos – Bernabeu është një nga stadiumet më të vështira për të fituar, por asgjë nuk është e pamundur. Nuk luajmë një gjysmëfinale sa për ta luajtur, do të luajmë për të shkuar në Wembley”.
https://twitter.com/iMiaSanMia/status/1788148064751907221?ref_src=twsrc%5Etfw%7Ctwcamp%5Etweetembed%7Ctwterm%5E1788148064751907221%7Ctwgr%5E7902241fd29c73465a159277bf3036d45178809d%7Ctwcon%5Es1_&ref_url=https%3A%2F%2Flapsi.al%2F2024%2F05%2F08%2Fkane-e-zakoni-qe-ka-habitur-tuchel-eshte-qesharak-eshte-gjithnje-aty%2F
