Juventus i mori Giuntolin, Napoli i kthen reston: De Laurentiis shënjestron Manna si Drejtor Sportiv

Napoli ka zgjedhur njeriun tek i cili do të fokusohet për rithemelimin teknik. Giovanni Manna, 35 vjeçari, bashkëpunëtori i parë i Cristiano Giuntoli te Juventus, shpirti dhe truri i Next Gen që në sezonin e fundit mbante rolin e Head of First Team përkrah drejtorit teknik. Lajmi është zbuluar nga Corriere dello Sport, sipas së cilës projekti po merr kuota, por asgjë nuk është zyrtarizuar ende. Manna ka marrë parasysh interesin serioz, jashtëzakonisht konkret nga Napoli, por padyshim duhet të vlerësojë pozicionin e tij me Juventus dhe drejtorin e tij, Giuntoli.

Kampan nga Valle della Lucania (provinca e Salernos), i vlerësuar nga Ussi me çmimin “Menaxheri i Vitit 2023”, Manna u përfshi në listën e ngushtë të kandidatëve së bashku me Pietro Accardi i Empoli dhe Sean Sogliano nga Verona. De Laurentiis provoi edhe të testonte situatën e Giovanni Sartori, por ai nuk do të lëvizë nga Bolonja dhe ideja perëndoi që në lindje.

Një vit pas lamtumirës së Giuntoli, krijuesit të madh të titullit, AdL është gati të hakmerret me bardhezinjtë dhe t’i rrëmbejë bashkëpunëtorin më të afërt nga ish-krahu i djathtë, të cilit është gati t’i besojë menaxhimin e zonës tekniko-sportive italiane, pas sezonit të dështuar post-Spalleti.

Play Video
Romani “Doktoresha” për nga përshkrimi i Shqipërisë në diktaturë përngjan shumë me Afganistanin e Khaled Hosseinin, përmes veprës “Gjuetari i balonave”: Si Afganistani nën sundimin e talebanëve … Mund ta gjeni në te gjitha libraritë Për porosi kontaktoni në numrin: 067 53 32 700
Scroll to Top