Jul Deda ka bërë një dedikim për të atin e tij të ndjerë, Mjeshtrin Zef Deda i cili u nda së fundmi nga jeta.
Përmes rrjetit të tij social aktori ka postuar një foto të tyre së bashku dhe ka shkruar:
“Ecja e fundit bashke…!
Bab, direkt më mori malli.
Më mori malli për zërin tënd, për batutat e tua, peë veprimet e tua, për shikimin tënd, për këshillat e tua, për energjinë tënde, për pozitivitetin tënd, për përqafimin tënd, më mori malli për ty.
Ahh, çfarë Babai, çfarë figure, çfarë talenti, çfarë personaliteti, çfarë njeriu. Nuk e kam vënë asnjëherë në dyshim madheshtinë e këtij njeriu, por dje dhe sot, vërtetova se Zef Deda përfundimisht nuk ishte vetëm i familjes tonë, por ishte pjesë e cdo familje shqiptare.
Nuk gjej dot fjalët per te shprehur mirënjohjen ndaj secilit prej jush. Jam i emocionuar për respektin qe ju treguat për Zefin si njeri dhe si artist. Faleminderit ju, publik i dashur, për çdo fjale të mirë, çdo status në rrjete sociale, për çdo foto të shperndarë, çdo sms të derguar, çdo lot, çdo shtrëngim duarsh dhe çdo përqafim, duke shprehur me të gjitha mënyrat respektin për figurën e tij dhe dhimbjen për largimin nga kjo botë.
Faleminderit të gjitha televizioneve dhe mediave, për çdo lajm dhe kronikë ku vleresohet kontributi i tij artistik dhe jo vetëm, faleminderit personaliteteve politike, sportive, fetare dhe intelektualëve të këtij vendi, që e vlerësuan Zef Deden në gjithë dimensionin e tij, faleminderit shqiptarëve që morën rrugën nga çdo cep i vendit dhe jashtë tij për të ardhur në Shkodër e për të na lehtësuar dhimbjen. Mirënjohje!
Babush, une besoj se ti ke parë gjithçka qe ndodhi dje dhe sot, e pe respektin e një populli të tërë për ty, jam i bindur se ishe aty, ta di tipin, nuk ikën kollaj ti, madje nuk ikën kurrë.
Ti, z. Unik, je i përjetshëm, sepse njerëzit vdesin kur harrohen dhe ti s’ke për tu harruar në jetë të jetëve.
Zemra ime, nuk e ke idenë sa të dua. Por pa merak, do flasim çdo natë, do me pyesësh për tekstin e javeë dhe unë do raportoj si studenti yt i perjetshëm, pastaj do dalim dhe do ecim, krah për krah, si gjithmonë..!
Nder i madh te jem yt bir…!”
