Jennifer Lopez ka qenë gjithmonë e vlerësuar për pamjen e saj fizike, ndonëse kohët e fundit ajo ka qenë në shënjestër të kritikave sepse disa njerëz konsideruan se ajo abuzonte me Botox.
Në përgjigje të kësaj situate, artistja e Bronx-it vendosi të mos heshtë dhe iu përgjigj komenteve negative që mori. Në emisionin ‘El gordo y la flaca’, drejtuesit treguan një moment të tensionuar që përjetoi JLo me një ndjekës i cili i tha se dukej qartë se kishte botoks në fytyrë.
“Një ndjekës guxoi t’i thoshte se kishte bërë shumë botox dhe diva e Bronx-it iu përgjigj shpejt duke i thënë se ajo ka thënë miliona herë se kjo është fytyra e saj dhe se nuk ka bërë kurrë botox apo operacion dhe se duhet të jetë më shumë pozitive dhe të ndihmojë edhe të tjerët të jenë pozitivë”, tha një nga prezantueset.
“Jennifer Lopez ushqehet shëndetshëm dhe dieta e saj përbëhet nga proteina me cilësi të lartë dhe ushqime të freskëta dhe organike të pasura me lëndë ushqyese, zbuloi Karina Banda. Ajo konsumon vetëm 1400 kalori në ditë dhe fillon me një shake me çokollatë 90 kalori të bërë me qumësht quinoa dhe ujë. “Përveçse ushqehet mirë, këngëtarja edhe stërvitet dhe një pjesë të madhe të jetës i ka kushtuar kërcimit.
