Një pjesëmarrës në koncert ka thënë se u lëndua gjatë një shfaqje të fundit të Dua Lipës në Kuala Lumpur, dhe tha se kishte nevojë për shtatë qepje pasi u godit nga një tub metalik i mjeteve piroteknike që u lëshuan si pjesë e përformancës, transmeton Gazeta Metro.
Ylli i popit “Radical Optimism” mbajti dy koncerte në Arenën Axiata në kryeqytetin malajzian javën e kaluar (23 dhe 24 nëntor) si pjesë e turit të saj aktual në Azi.
Një fans ka shkruar në Reddit duke thënë se “u godit në kokë nga një tub metalik piroteknik” gjatë koncertit të dytë. Ai ka bashkëngjitur një foto të tij me gjak në kokë dhe në flokë, ndërsa po i jepnin ndihmën e parë.
Përdoruesi shpjegoi në komentet e tij se ai kishte pësuar dëmtimin 15 minuta pas fillimit të performancës së Lipës dhe tha se më pas shkoi në spital për një skanim CT. Ai tha se kishte nevojë për shtatë qepje, por nuk kishte “fraktura të eshtrave të kokës”.
Më herët, ai kishte pohuar se autoritetet e stadiumit thanë se do të mbulonin vetëm faturat e tij mjekësore. Më pas, ai i tha Reddit në një postim tjetër se “dy djem erdhën dhe filluan të flisnin për kompensimin e hotelit, biletave të koncertit, fluturimeve”.
Megjithatë, pjesëmarrësi në koncert tha se ai “nuk donte” të diskutonte për këtë dhe se do të kontaktonte “ambasadën, avokatin dhe ndoshta [policinë]”. Ai shtoi: “Ma paguan faturën time të spitalit sepse nuk kam para për këtë.”
Një zëdhënës i Live Nation i tha gazetës The Mirror: “Kemi kërkuar informacion të detajuar nga furnitori i përfshirë mbi mënyrën se si ndodhi kjo, dhe natyrisht urojmë një rikuperim të shpejtë për të dy fansat”.
Dua Lipa është përballur edhe më parë me incidente të ngjashme. Në korrik 2022, gjatë një koncerti në Toronto, fishekzjarre të “paaautorizuara” u ndezën nga turma, duke shkaktuar lëndime tek disa fansa. Pas incidentit, ajo kërkoi falje.
