Igor Tudor rikthehet të trajnojë. Ish-trajneri i Juventus, i cili ishte shkarkuar tetorin e kaluar, ka gjetur marrëveshjen me Tottenham dhe do të jetë udhëheqësi i Spurs, që sapo kanë larguar edhe Thomas Frank. Tudor gjen një skuadër çuditërisht me vetëm pesë pikë mbi zonën e rënies, por tashmë në 1/8-at e Champions League.
Nga shkarkimi me Juven te Tottenham
Tudor nuk arrin të mbyllë një sezon në mënyrë të rregullt prej kohësh, por arrin gjithmonë të gjejë shpejt një skuadër tjetër. Kështu ndodhi edhe tani. Te Juventus qëndroi nga marsi në tetor, mori vendin e italo-brazilianit Thiago Motta dhe u zëvendësua nga Spalletti. Tani është gati të firmosë me Tottenham, që edhe një herë ka vendosur të ndryshojë trajner.
Tudor mund të sfidojë Juven në Champions në 1/8-at
Tottenham sezonin e kaluar fitoi Europa League, por zhvilloi një kampionat të tmerrshëm. Me danezin Frank nisi mirë, por në një moment filloi një rënie e pandalshme në Premier League dhe u zhyt në renditje, me vetëm pesë pikë avantazh mbi West Ham, i treti nga fundi. Por në Champions League është drejtpërdrejt në 1/8-at. Dhe aty Tudor mund të gjejë Juven në rrugën e tij.
Mund të ndodhë vërtet dhe do të ishte e bujshme. Juventus do të përballet në play-off me Galatasaray (16 shkurt ndeshja e parë, 24 kthimi). Kush fiton do të gjejë në 1/8-at Liverpool ose Tottenham. Pra një mundësi në dy, në rast kualifikimi të Juves.
Tudor edhe një herë provizor
Akordi mes Tudor dhe Tottenham është pak të thuash kurioz. Spurs nuk donin një trajner të marrë nga të rinjtë apo nga stafi i mëparshëm, por nuk arritën të angazhonin një nga të përzgjedhurit për të ardhmen (Pochettino është favoriti, De Zerbi dhe Farioli alternativat). Tudor është një kompromis i duhur dhe kroati është mësuar të marrë drejtimin në mes të rrugës.
E ka bërë, përveçse me Juventus, edhe me Lazio dhe Verona. Dhe tani do ta bëjë me Tottenham, që edhe një herë në mes të sezonit ndryshon trajnerin; nuk arritën ta mbyllnin sezonin me Spurs as Conte dhe as Mourinho. Thomas Frank zgjati më pak se tetë muaj.
The Club has taken the decision to make a change in the Men’s Head Coach position and Thomas Frank will leave today.
Thomas was appointed in June 2025, and we have been determined to give him the time and support needed to build for the future together.
However, results and… pic.twitter.com/mo82TaAXts
— Tottenham Hotspur (@SpursOfficial) February 11, 2026
