Aurelio De Laurentiis nuk e pranoi Tapirin e Artë të Striscia la Notizia pas polemikave të ditëve të fundit për çështjen sociale që shpërtheu me Victor Osimhen. Në mëngjes në stacionin Termini të Romës, korrespondenti i emisionit të lajmeve satirike, Valerio Staffelli, tentoi t’i dorëzonte presidentit të Napolit çmimin e famshëm të programit të njohur. Numri një i të kaltërve nuk deshi ta pranonte Tapirin dhe vazhdoi rrugën pa u ndalur.
De Laurentiis po kthehej në Romë pasi ndoqi dhe festoi për fitoren e bukur të Napolit kundër Udineses. Në shtëpinë e Napolit është kthyer pak qetësia, pas pokerit të djeshëm në Maradona. Pankina e Rudi Garcia është pak më e fortë edhe pse situata e Osimhen ende nuk është qartësuar plotësisht. Sulmuesi nigerian donte nga klubi një falje zyrtare, e cila përkundrazi mbërriti “vetëm” në formë private. Sipas tij klubit iu desh shumë kohë për të hequr videon e skandalit në TikTok dhe është e qartë se vështirësitë ekzistuese në rinovimin e kontratës tani kanë një pengesë shtesë.
Sipas asaj që u rindërtua nga Corriere dello Sport, menaxherët e rrjeteve sociale të Napolit, përfshirë autorin e postimeve të diskutueshme, ia hodhën vetëm me një vërejtje.
