Sulmi i SHBA’së do të ndodhte nëse diktatura islamiste do të lëvizte përpara drejt armatimit bërthamore para inagurimit të presidentit të zgjedhur Donald Trump.
Sipas raportit të medias amerikane Axios, presidentit amerikan Joe Biden i janë shpalosur opsionet e mundshme të sulmit të SHBA’së ndaj objekteve bërthamore të Iranit nga këshilltari i tij i sigurisë kombëtare, Jake Sullivan.
Sipas raportit të Axios që iu referohet tre burimeve me njohuri për çështjen sulmi do të ndodhte edhe para inagurimit të presidentit të ardhshëm me 20 janar.
Sipas burimeve të Axios, këshilltarët e Biden, përfshi Sullivan, besojnë se situata e tanishme në Lindjen e Mesme, me dobësimin e aleatëve të Iranit në luftë kundër Izraelit, i jep një arsye bindëse SHBA’së që të godasë tani sa e kanë përparësinë.
Megjithatë, zyrtarët amerikanë i kanë thënë Axios se Sullivan vetëm se i ka ofruar ide e jo një plan strategjik aktual. Sipas raportit mbledhja ndodhi një muaj më parë ku Biden dhe ekipi i tij diskutuan opsione dhe skenarë të shumtë, pa një vendim të arritur.
