Humbi derbin me Rashicën e Muçin, Mourinho rrezikon shkarkimin nga Fenerbahce

Derbi i humbur kundër Besiktas ku luan Ernest Muçi e Milot Rashica e ka lënë Fenerbahce 6 pikë pas kryesuesve të Galatasaray: pakënaqësia brenda klubit është kaq e madhe sa që, nga Turqia, tashmë flitet për shkarkimin e teknikut José Mourinho, nëse nuk fiton të enjten kundër Athletic Bilbao në Europa League.

Gazetari Ozgur Sancar, korrespondent turk për AS, shkruan: “Të ardhmen e Mou te Fener mund ta vendosë ndeshja kundër Athletic: me ekipin që është pas në kampionat dhe tashmë jashtë Kupës së Turqisë, nëse nuk kualifikohet për çerekfinalet e Europa League, atëherë drejtuesit mund të reflektojnë për trajnerin portugez”.

Fenerbahce ka regjistruar 10 fitore, 2 barazime dhe 2 humbje në kampionat, por Galatasaray i lojtarëve si Osimhen, Mertens dhe Icardi (i cili tani është i dëmtuar) nuk ka humbur asnjëherë dhe me 12 fitore, përfshirë fitoren 3-1 pikërisht në fushën e skuadrës së Jose Mourinho, dhe dy barazime, udhëheq SuperLigën turke me 6 pikë më shumë se rivali i tij.

“Nuset e Vilës Blu” – Roman nga Flamur Buçpapaj

Romani i ri i autorit Flamur Buçpapaj, botuar nga Nacional, sjell një udhëtim mes dashurisë, dhimbjes dhe kujtesës – aty ku e kaluara dhe e tashmja takohen në një vilë blu plot sekrete. Gjej librin në libraritë kryesore dhe mëso pse “Vila Blu” nuk është thjesht një vend… por një simbol i shpirtit shqiptar. Për porosi ose kontakt: 067 533 2700
Scroll to Top