Skënder Hita ka bërë një ndryshim në strukturat e Policisë së Shtetit, duke emëruar Alban Hoxhën në krye të komisariatit nr. 6 në Tiranë. Ai zëvendëson në këtë detyrë Edvin Peci.
Hoxha vjen në këtë pozicion nga Drejtoria Vendore e Policisë së Tiranës, ku mbante detyrën e shefit të Sektorit të Krimeve në Volum. Në karrierën e tij ka mbajtur edhe poste të tjera kyçe, përfshirë drejtimin e strukturave antidrogë dhe atyre operacionale, si dhe funksione drejtuese në Fier dhe Shkodër. Ky ndryshim është pjesë e riorganizimeve të brendshme në Policinë e Shtetit në kryeqytet, pas emërimit të ri në krye të institucionit.
