Sulmuesi anglez është pjesë e Tottenhamit që prej vitit 2011, teksa vazhdimisht forma e tij ka qenë në rritje – por, atij i mungojnë trofetë me klubin, transmeton Express.
Kane ka kontratë të vlefshme deri në verën e vitit të ardhshëm, por largimi i tij mund të ndodhë pas përfundimit të sezonit.
Klubi londinez mund të lejojë largimin e kapitenit, për të mos rrezikuar që ta humbasin falas në vitin e ardhshëm.
Kësisoj, sipas “Football Insider”, Tottenhami do të kërkojë së paku 100 milionë funte për shitjen e tij, në rast se edhe ai dëshiron të largohet.
Vazhdimisht është raportuar se për 29-vjeçarin i interesuar është gjiganti gjerman, Bayern Munichi.
Harry Kane deri më tani ka regjistruar 422 paraqitje në total me Tottenhamin, ka shënuar 268 gola dhe ka kontribuar me 68 asistime.
