Mbrëmja e çmimeve në Doha (nesër në orën 18:00 sipas orës tonë luhet finalja e Kupës Interkontinentale mes meksikanëve të Pachucas dhe Real Madrid), ku FIFA dha çmimet e saj për më të mirët e vitit 2024, shkoi ashtu si pritej. Vinicius Junior rrëmbeu çmimin The Best of FIFA, si një hakmarrje e vogël ndaj Rodri, i cili disa javë më parë fitoi Topin e Artë.
Spanjolli, në atë rast triumfoi ndaj brazilianit të Real Madrid, duke shkaktuar reagimin e Florentino Perez. Presidenti i fuqishëm i Blancos, pasi mori vesh paraprakisht se ylli i tij nuk do ta fitonte çmimin dhe anuloi udhëtimin e delegatëve të Madrid për në Paris.
#TheBest FIFA Men's Player 2024
Congratulations, @vinijr! pic.twitter.com/KCgndbk2i6
— FIFA (@FIFAcom) December 17, 2024
ÇMIMET E TJERA
Përveç Vinicius, një tjetër yll i Real Madrid ka triumfuar: Carlo Ancelotti u votua si trajneri më i mirë i vitit. Argjentinasi Emiliano Martinez i Aston Villës fitoi çmimin si portieri më i mirë, kategori në të cilën ishte i nominuar edhe portieri i Milan Mike Maignan.
U votua gjithashtu formacioni më i mirë, i cili u formua kështu: Emiliano Martinez (Aston Villa); Daniel Carvajal (Real Madrid), Antonio Rudiger (Real Madrid), Ruben Dias (Manchester City); William Saliba (Arsenal), Jude Bellingham (Real Madrid), Rodri (Manchester City), Toni Kroos (Real Madrid/ i tërhequr); Lamine Yamal (Barcelona), Erling Haaland (Manchester City), Vinicius (Real Madrid).
Çmimi Puskas për golin e vitit shkoi te Alejandro Garnacho për golin në ndeshjen Everton-Manchester United 0-3 të Premier League, më 26 nëntor 2023.
48 years in and still The Best. @MrAncelotti is #TheBest FIFA Men's Coach 2024! pic.twitter.com/PfFIvHo1eh
— FIFA (@FIFAcom) December 17, 2024
